Ef 10% skipta um skoðun er kominn meirihlutavilji fyrir ESB aðild

Samkvæmt könnun Heimsksýnar sem birt er í Mbl í dag þurfa einungis 10% landsmanna að skipta um skoðun varðandi ESB aðild til að meirihluti verði kominn fyrir aðild.  

Ef umsókninni verður lokið munu örugglega meira en 10% skipta um skoðun í málinu af því að ESB aðild er okkur hagfelld en fólk vill ekki taka afstöðu fyrr en það veit meira um málið, sem er skynsamleg afstaða, almennt séð.

Eins gott fyrir ESB andstæðinga að berjast gegn því að við klárum umsóknina, svo að vilji almennings nái ekki fram að ganga (sic!)

Evrópustofu lokað

Athugasemdir

[Gunnar Heiðarsson, 18.8.2015 kl. 07:52]

Hvers vegna gætú ekki 10% skipt um skoðun í hina áttina?

Af hverju ættu þessi 10% endilega að skipta um skoðun í átt til vilja til aðildar?

Svona spekúleringar eru barnalegar, svo ekki sé meira sagt.

Staðreyndin er að fyrir liggur hvað aðild gefur okkur og hvað hún tekur frá okkur. Ut frá þeim staðreyndum er ljóst að meirihluti þjóðarinnar er á móti aðild, þriðjungur vill aðild og hinum virðist vera sama, eða taka a.m.k. ekki afstöðu. Jafnvel þó allir þeir sem ekki taka afstöðu myndu að lokum vilja aðild, dugir það ekki til. Eftir stendur að meirihlutinn er á móti.

Þó má fastlega gera ráð fyrir að þeir óákveðnu skiptist í svipuðu hlutfalli og þeir sem afstöðu taka, að þar sé einnig meirihluti gegn aðild og einn þriðji með.

Auðvitað þarf þó að ljúka umsókninni, ekki endilega með einhverskonar skipun um hvernig við aðlögum okkur að regluverki ESB. Þau lok gætu allt eins verið á þann hátt að draga umsóknina til baka og reyndar mun eðlilegri lok út frá vilja þjóðarinnar.

[Jóhann Elíasson, 18.8.2015 kl. 09:07]

Þetta er nú einhver "SKONDNASTA" nálgun, sem ég hef nokkurn tíma séð og orðið vitni að.  Það væri jafn  gáfulegt að segja að Björt Framtíð næði inn manni ef 1,5% af kjósendum Sjálfstæðisflokksins myndu skipta um skoðun og kjósa Bjarta Framtíð.  Já þetta EF og HEFÐI hafa mikil áhrif.