Opnum á tollfrálsan innfluting matvæla sem gagnast mest þeim efnaminnstu.

Hugmynd Finns Árnasonar um þjóðaratkvæðagreiðslu er góð. Því hefur verið haldið fram að þjóðin styðji styrki til landbúnaðarins. En ef þjóðin fær málið "rétt matreitt" til þjóðaratkvæðagreiðslu, þá mun niðurstaðan verða svipuð og í Icesave, fólk vill ekki borga mikið fyrir aðra. Er jafnvel tilbúið að taka áhættu í því sambandi.

Í þessu tilviki er áhættan að sumra mati óheilnæmari matvæli. Það er ósannað að ekki sé hægt að fá t.d. ódýrar heilnæmar kjúklingabringur erlendis.Meðalaldur fólks í þeim löndum sem við myndum skipa við er ekki lægri en hjá okkur.

Opnum á tollfrjálsan innfluting matvæla í nafni mannréttinda og réttlætis.
Minnkum stuðning við landbúnaðinn. Styðjum við góðar breytingar í sveitum, sem verða öllum til góða þegar upp er staðið.

Á við þrefalt Icesave

Athugasemdir

[Jósef Smári Ásmundsson, 2.1.2016 kl. 15:12]

Sammála því að minnka stuðning við landbúnaðinn. Vil gera það smám saman, ár frá ári. En tollalækkanir hafa sýnt sig að þær fara beint út í verðlagið. Kaupmenn hækka bara álagninguna á móti.

[Jóhann Kristinsson, 2.1.2016 kl. 18:03]

Mér skilst að það hafi verið afnám á tollum af sumum vörutegundum sem ekki hafi skilað sér í verðlags lækkun á þessum vörum í verslunum.

Skiptir það einhverju máli hvort að tollar fara í kassa ríkisins, eða í vasa kaupmannsins? Kanski einhverstaðar verða fjármunir að koma frá til að greiða alla þessa styrki sem ríkið greiðir á hverju ári.

Kveðja frá Las Vegas

[Guðjón Sigurbjartsson, 2.1.2016 kl. 19:29]

Tollar og virðisaukaskattur fara að mestu út í verðlagið.  Ef svikið er undan vsk. þá er farin millileið.  Seljandinn hirðir gjarnan hluta  þess sem annars færi í vsk. og kaupandinn fær lægra verð en jafnframt meira óöryggi.  Ef tollar fara af lækkar vöruverð að mestu sem því nemur. Seljandinn þarf jafn margar krónur og áður til að reka sitt fyrirtæki og hækkar því álagninguna aðeins til að vera upp á móti lægri álagningargrunni.  Samkeppnin sér um að halda seljendum niðri með verð.  Ef samkeppnin er ekki að virka verður að taka á því, allra hluta vegna.

[Jóhann Kristinsson, 2.1.2016 kl. 20:00]

þetta er bara ekki að gerst að vöruverð lækki þegar tollar eru teknir af, kaupmenn eru ekki þekktir fyrir að lækka vöruverð.

Kveðja frá Las Vegas

[Högni Elfar Gylfason, 3.1.2016 kl. 12:27]

Góðan dag og gleðilegt ár Guðjón.

Ég er ekki sammála fullyrðingu þinni í fyrirsögn greinar þinnar.  Ég tel að þeir sem hagnist mest á niðurfellingu tolla á landbúnaðarafurðum séu þeir sem stunda mestan áróður fyrir niðurfellingunni, nefnilega kaupmenn sjálfir og þá fyrst og fremst stórkaupmenn.  Þú þarft ekki annað en að skoða verðmun á öllum þeim fjölda af landbúnaðarafurðum sem fluttar eru hingað tollalaust en eru samt sem áður á miklu hærra verði en í öðrum löndum til að sjá að vandinn liggur fyrst og fremst í of hárri álagningu kaupmanna (til að standa undir ofurlaunum forstjóra og himinháum arðgreiðslum).  Þetta á auðvitað einnig við um aðrar vörur s.s. rafmagnstæki og föt.  En þar sem þú talar um að fólk fái málið "rétt" matreitt áttu vonandi við að fólk viti allan sannleikann um tilurð og ástæður ríkisstuðnings við landbúnað (og annað).  Ég vil í því sambandi benda þér á afar fróðlega grein þar sem þessi mál eru einmitt krufin til mergjar og það meira að segja án allra upphrópana og öfga.  Ég vona að þú og þeir sem hafa skrifað athugasemdir við þessa grein þína (ásamt vonandi sem flestum öðrum) munið lesa þessa grein vandlega og hlutlaust og vegið svo og metið upp á nýtt afstöðu ykkar í samræmi við "nýjar" upplýsingar.

Góðar stundir.

http://marinogn.blog.is/blog/marinogn/entry/1182616/